योगासन
आपल्या पिढीच्या लोकांचा एक आवडता सिनेमा ... आनंद ... त्यातला एक संवाद ... आपल्या सगळ्यांना पाठ ... जहाँपनाह, हम सब इस रंगमंचकी कठपुतलियाँ है़ं ... वगैरे वगैरे ... म्हणजे आयुष्य हे एक नाटक, असा त्याचा अर्थ. पण , माझ्या मते थोडा, नव्हे खूप फरक आहे दोन्हीत . नाटक हे ३ घंटा झाल्या की सुरु होतं ... आणि आयुष्य हे तिसरी घंटी झाली की थांबतं ...आणि , या तिन्ही घंटा वॉर्निंग च्या ... ! माझी पहिली घंटा २५-३० वर्षांपूर्वी वाजली ... काहीही ,कसलंही कारण नसतांना ... hypertension ... वारसा हक्कानं मिळालेलं ... त्यात हार्मोन्स ची उलाढाल, स्ट्रेसची चढाओढ वगैरेचा अजिबात संबंध नव्हता ... असो. त्यानंतर वर्षानुवर्षं , अगदी सात आठ महिन्यांपूर्वी पर्यंत सगळं व्यवस्थित चाललं होतं ... आणि अचानक दुसरी घंटा वाजली ... ऑं ? हे काय ? आता काहीतरी हातपाय हलवायला पाहिजेत - अक्षरशः - असं वाटलं, आणि तिसऱ्या घंटेच्या आत आपलं नाटक धडपणे उरकायचं असं ठरवलं ... ... आणि Habuild जॉईन क...